Sitio Malmis, Baco Outreach

Sitio Malmis, Baco – Game na game na nakipagsabayan ang grupong Batang Naujan paakyat sa kabundukan ng Baco bilang pagtugon sa panawagan ng TVNet sa kanilang Community Outreach sa nasabing lugar.

Nakailang ilog din ang tinawid ng magkakasamang grupo para lamang makapaghatid ng tulong sa mga kababayan nating katutubong Mangyan na nasa lugar ng Sitio Malmis sa bayan ng Baco.

Tuwang tuwa naman ang mga naroroon sa pagbibigay halaga sa kanila ng mga magkakasamang grupo sa pangunguna ng Tamaraw Vision Network, kasama ang grupo ng Red Cross, PENRO, Batang Naujan, atbp. Bukod sa pagdadala ng mga bigas, delata, kumot atbp, nagkaroon din ng community tree plating sa nasabing lugar upang maidiin sa mga taga roon ang kahalagahan ng ating inang kalikasan.